ಕೊಂಕಣಿ ಏಕ್ ವಿಶಿಷ್ಟ್ ಭಾಸ್, ಹಿ ಸಂಸಾರಾಂತ್ ಪಾಂಚ್ ವಿಗ್‌ವೆಗ್ಳ್ಯಾ ಲಿಪಿಯೆಂತ್ ಬರಯ್ತಾಂತ್ ಆನಿ ಉಲಯ್ತಾಂತ್:

• ದೇವನಾಗರಿ ಲಿಪಿ: (ಮಹಾರಾಷ್ಟ್ರ ಆನಿ ಗೋವಾಚ್ಯಾ ಕೊಂಕಣ್ ಭಾಗಾಂತ್ ಚಡ್ಶೆಂ ವಾಪರ್ತಾತ್)

• ರೋಮನ್/ಲ್ಯಾಟನ್ ಲಿಪಿ: (ಗೋವಾಚ್ಯಾ ಕೊಂಕಣಿ ಉಲೊವ್ಪಿಯಾಂನಿ, ವಶೇಸ್ ಕರುನ್ ಕ್ರಿಸ್ತಾಂವ್ ಸಮುದಾಯಾಂತ್ ವಾಪರ್ತಾತ್)

• ಕನ್ನಡ ಲಿಪಿ: (ಕರ್ನಾಟಕಾಂತ್ ಅಸುಂಚ್ಯಾ ಮಂಗಳೂರಿ ಕ್ರಿಸ್ತಾಂವ್ ಆನಿ ಜಿ.ಎಸ್.ಬಿ. (GSB) ಕೊಂಕಣಿ ಉಲೊವ್ಪಿಯಾಂನಿ ವಾಪರ್ತಾತ್)

• ಉರ್ದು ಲಿಪಿ: (ಭಟ್ಕಳ್ ಭಾಗಾಂತ್ ಅಸುಂಚ್ಯಾ ಮುಸ್ಲಿಮ್ ಸಮುದಾಯಾಂತ್ ಅಸುಂಚ್ಯಾ ಕೊಂಕಣಿ ಉಲೊವ್ಪಿಯಾಂನಿ ವಾಪರ್ತಾತ್)

• ಮಲಯಾಳಂ ಲಿಪಿ: (ಉತ್ತರ್ ಕೇರಳ/ಕಾಸರಗೋಡ್ ಭಾಗಾಂತ್ ಅಸುಂಚ್ಯಾ ಕೊಂಕಣಿ ಉಲೊವ್ಪಿಯಾಂನಿ ವಾಪರ್ತಾತ್)

ಕೊಂಕಣಿ ಏಕ್ ಇಂಡೋ-ಆರ್ಯನ್ ಭಾಸ್, ಹಿ ಪ್ರಮುಖ್ ಕರುನ್ ಭಾರತಾಂತ್ಲ್ಯಾ ದೆಗಾಂತ್ (coastal regions), ಮ್ಹಳ್ಯಾರ್ ಗೋವಾ, ಕರ್ನಾಟಕ ಆನಿ ಮಹಾರಾಷ್ಟ್ರಾಂತ್ ಉಲಯ್ತಾತ್. ಉಲೊವ್ಪಾಚ್ಯಾ ಭಾಶೆಂತ್ ಫರ್ಕ್ ನಾತ್ಲ್ಯಾರೀ, ಲಿಪಿ ವಾಪರ್ಚೆಂ ಕಾಂಯ್ ಪ್ರದೇಶ್ ಅಥವಾ ಸಮುದಾಯಾಚೆರ್ ಆದಾರ್ಲ್ಯಾ.

ಕೊಂಕಣಿ ಏಕಾಚ್ ಭಾಶೆಂತ್ ಅಸುನ್ ವಿಗ್‌ವೆಗ್ಳ್ಯಾ ಲಿಪಿಯೆಂತ್ ಬರಯ್ಚೆಂ ವೈಶಿಷ್ಟ್ಯ್ ಹಿ ಭಾಸ್ ಅತಿಶಯ್ ವಿಶಿಷ್ಟ್ ಕರ್ತಾ.

ಕೊಂಕಣಿ ಸಂಸಾರಾಂತ್ ಪಾಂಚ್ ವಿಗ್‌ವೆಗ್ಳ್ಯಾ ಲಿಪಿಯೆಂತ್ ಬರಯ್ಚಿ ಏಕಮೆವ್ ಭಾಸ್ ಮ್ಹಣ್ ನ್ಹಯ್, ಬಗಾರ್ ಭಾರತಾಂತ್ಲ್ಯಾ ಕರ್ನಾಟಕಾಂತ್ ಹಿ ಭಾಸ್ ದೋನ್ ವಿಗ್‌ವೆಗ್ಳ್ಯಾ ಸಮುದಾಯಾಂನಿ ಉಲಯ್ತಾತ್: ಮಂಗಳೂರಿ ಕ್ರಿಸ್ತಾಂವ್ ಸಮುದಾಯ್ (ಜ್ಯಾ ಸಮುದಾಯಾಚೊ ಹಾಂವ್ ಏಕ್ ಭಾಗ್ ಜಾವ್ನ್ ಆಸಾ ಮ್ಹಣ್ ಮ್ಹಾಕಾ ಅಹಂಕಾರ್ ಆಸಾ) ಆನಿ ಜಿ.ಎಸ್.ಬಿ. (ಗೌಡ್ ಸಾರಸ್ವತ್ ಬ್ರಾಹ್ಮಣ್) ಸಮುದಾಯ್. ದೋನ್ ಸಮುದಾಯ್ ಕನ್ನಡ ಲಿಪಿ ವಾಪರ್ತಾಂತ್, ಪುಣ್ ತಾಂಚಿ ಉಲೊವ್ಪಾಚಿ ಭಾಸ್ (dialect) ಭಾರಿಚ್ ಫರ್ಕ್ ಆಸಾ, ಆನಿ ದರ್ ಏಕ್ ಸಮುದಾಯಾಚ್ಯಾ ಉಲೊವ್ಪಾಂತ್ ಫಕತ್ ತಾಂಕಾಂಚ್ ಮಾತ್ರ್ ಅಸೊಂಚಿ ವಿಶಿಷ್ಟ್ ಶಬ್ದಾಂ ಆನಿ ಉಚ್ಚಾರ್ ಅಸಾತ್.